Së shpejti do të dihet dita e fillimit të regjistrimit të popullsisë

Data e fillimit të regjistrimit të popullsisë do të bëhet e ditur para 15 qershorit deklaroi ministri i Administratës Publike, Arsim Bajrami.

Në prezantimin e projektit “Sistemi gjeografik informativ”, ministri Bajrami tha se imazhet satelitore të bëra në kuadër të këtij projekti do të ndihmojnë fuqishëm procesin e regjistrimit të popullsisë.

Një ndihmë të madhe në procesin e regjistrimit të popullsisë do të ofrojë projekti i sistemit gjeografik informativ të realizuar nga Enti i Statistikave.

Ekspertët vendorë kanë bërë regjistrimin e te gjitha objekteve përmes satelitit dhe se tashmë ekziston një pasqyre reale e imazhit satelitor për tërë territorin e Kosovës.

Ministri Bajrami tha se ky projekt është një e arritur shumë e madhe sepse do të jetë në shërbim të të gjitha institucioneve të vendit. Fotografimi satelitorë i territorit të Kosovës është realizuar në fund të vitit 2008 dhe në fillim të këtij viti.

Të dhënat për gjitha objektet në Kosovë mund të përdoren edhe nga policia dhe Agjencia Informative e Kosovës. Regjistrimi nga sateliti ka treguar se në Kosovë gjenden rreth 570 mijë objekte.

» Dita e Lirisë së Kosovës