Skela ikën nga Kotbuzi, shfaqet Bazeli

Ervin Skela ka mbyllur përfundimisht aventurën tek Energi Kotbuz. Pas rënies se skuadrës ne Bundesligen II, fantazisti shqiptar ka vendosur te shqyrtoje ofertat nga klubet e tjera.


“Aventura ime te Kotbuz ka përfunduar”, deklaroi mesfushori 32-vjeçar. “Kam oferta nga Bundesliga dhe Bundesliga II, por ende asgjë konkrete. Edhe disa skuadra qe luajnë ne kampionate te tjera evropiane kane shfaqur interes”. Dy klubet qe i janë shtuar listës se klubeve te cilat ndjekin me vëmendje situatën e Skeles janë zviceranet e Bazelit dhe Arminia Bielefeld, qe nuk arriti te mbijetonte ne eliten e futbollit gjerman. Te keta te fundit, “veterani” i Kombetares shqiptare ka luajtur ne sezonet 2004-‘05, se bashku me Fatmir Vaten dhe Klodian Duron. Kuqeziu kerkohet edhe nga Bursaspor, Mainc e TuS Koblenc. Trajner i Koblencit eshte Uve Rapolder, per te cilin vlonjati tha: “Se bashku kemi qene mjaft te suksesshem”. Por, tekniku saktesoi se “pavaresisht deshires per te pasur nje lojtar si Skela, problem jane termat financiare”.