Nordiko-skandinavë, kundërshtarët e shqiptarëve në Evropë

Tirana, që do të luajë si fillim në turin e dytë të Ligës së Kampioneve, do të ketë përballë skuadrën norvegjeze të Stabæk IF.


Ndeshja e parë do të luhet në Tiranë, më 14 korrik, ndërsa ndeshja e kthimit në Norvegji, dy javë më pas, më 22 korrik. Dy skuadrat e tjera shqiptare, që marrin pjesë në Ligën e Europës, Dinamo dhe Vllaznia, do ta nisin garën në raundin e parë kualifikues. Ndeshjet e para, që do të luhen më 2 korrik, skuadrat shqiptare i kanë në transfertë. Konkretisht, Vllaznia, që doli nënkampione e Shqipërisë, do të udhëtojë drejt Irlandës, për t’u ndeshur me skuadrën e Sligo Rovers FC, ndërsa Dinamo do të “fluturojë” drejt Finlandës, për t’u ndeshur me FC Lahtin. Ndeshjet e kthimit do t’i luajnë në shtëpi, në Shkodër e Tiranë, një javë më pas, më 9 korrik. Nga ana e tij, Flamurtari do t’i bashkohet Ligës Europiane në raundin e dytë, duke pritur të njohë kundërshtarin e tij nga ndeshja Maccabi Haifa FC (ISR) - Glentoran FC (NIR).