Sot (20:45) në “Qemal Stafa” zhvillohet takimi eliminator Shqipëri - Portugali

Sot (20:45) në “Qemal Stafa” zhvillohet takimi eliminator Shqipëri - Portugali
Personazhi që do të tërheqë më shumë vëmendjen në stadiumin kombëtar “Qemal Stafa” është padyshim Cristiano Ronaldo. Nuk ka mundur ta çajë mbrojtjen kuqezi në Bragë, por “Topi i artë” ka premtuar se këtë mund ta bëjë në Tiranë. Kampi kuqezi në krye me shefin e ri Josip Kuzhe vlerëson se s’ka çfarë të humbë më dhe ky është një rast ku mund të fitohet rezultati pozitiv. Dhe nëse ndodh kjo Portugalia rrezikon seriozisht kualifikimet

”Rossonerët” nisin t’ia japin lamtumirën yllit të skuadrës
“Arsyet për largimin e Kakas janë vetëm ekonomike. Milan nuk mund t’ia lejojë vetes që çdo vit të humbë nga 70 milionë euro”, ka thënë nënpresidenti i Milanit, Adriano Galliani. Ndërkohë pronari i klubit, Silvio Berlusconi, ia ka lënë Kakas të zgjedhë nëse dëshiron të kalojë në Real

Tenis, Grand Slam turneu “Roland Garros”
Rusja Sharapova është mposhtur me 2:0 në sete: 6:0 dhe 6:2, dhe kjo paraqet “sukses” për të, pasi ishte afër të mposhtej “pastër”, 6:0 dhe 6:0. Sllovakes Dominika Cibulkovas iu duk e tepërt ta “poshtëronte“ rusen në këtë mënyrë dhe për këtë ndali tempin paksa

Zgjerohet pista e Premier Leagues për kapitenin e Olympique Marseilles
Tottenhami është ekipi i katërt anglez që kërkon shërbimet e kosovarit 25-vjeçar. Pos këtij klubi, interesim tash e një kohë të gjatë kanë treguar edhe Everton, Liverpool e Arsenal. Sipas gazetës “The Sun”, Tottenhami pritet ta bëjë ofertën për Canën këtë javë

Kosovari i Malmos po merr gjithnjë e më shumë lëvdata
“Ne nuk kemi lojtar të kalibrit si ai (Harbuzi v.j.). Besoj se ai do të jepte diçka të re në skuadër, diçka që i mungon Përfaqësueses sonë”, ka thënë Zlatan Ibrahimoviq, përcjell gazeta “Aftonbladet” të hënën. Sulmuesi i Interit beson se Harbuzi do të ftohet shumë shpejt në ekipin “A” përfaqësues të Suedisë

Boks profesionist
Boksieri kosovar i kategorisë velter i ka fituar të 17 meçet e zhvilluara në profesionalizëm. Këtë statistikë ai premton ta mbrojë edhe të shtunën kur sfidon italianin Leonard Bundu në luftën për titull të Evropës. Edhe Bundu është boksier i pamposhtur

Kosovari i Bochumit është i pafat kur bëhet fjalë për ekipin përfaqësues
Mërgim Mavraj duhet t’i nënshtrohet rehabilitimit të nyjës së këmbës për tri javë. Shkaku i këtij lëndimi që e mori në fundjavë, ai nuk do të ketë mundësi të luajë në Evropianin e Shpresave (U21), që nis më 15 qershor në Suedi. Mavraj ishte përfshirë në ekipin përfaqësues të Gjermanisë. “Më bën të ndihem keq. Mundësia për të luajtur në një Evropian të Shpresave të vjen një herë në jetë”, ka thënë Mavraj për “RevierSport”

Finalja e Ligës së Kampionëve: Barcelona - Manchester United 2:0 (1:0)
Kampionia e re e Evropës, Barcelona, është bërë skuadra e parë spanjolle që ia ka dalë të fitojë Championsin, kampionatin spanjoll dhe Kupën e Spanjës për një stinor. Ky është titulli i tretë i Evropës për katalunasit, ndërkohë për Manchester Unitedin është finalja e parë e humbur. Manchesteri titullin e fituar vjet në Moskë sivjet e dorëzoi në Romë. Lojtar i ndeshjes u shpall mesfushori Xavi Hernandez, ndërsa Pep Guardiola u bë trajneri i gjashtë në histori të kësaj gare që fiton këtë trofe edhe si lojtar e edhe si trajner (1992). Ky ishte stinori debutues për të në krye të Barçës

Josip Kuzhe vlerësohet lart nga ata që bashkëpunuan me të e luajtën kundër tij
Trajneri i ri i Kombëtares shqiptare, kroati 56 vjeç, Josip Kuzhe, nuk është se nuk njeh shqiptarët. Gjatë karrierës së tij si trajner ai ka stërvitur kosovarin Kujtim Shala në Dinamo të Zagrebit. Po ashtu ka zhvilluar edhe dy takime me Prishtinën në ligën e dytë jugosllave, atë në Prishtinë e ka humbur. Tani atij i është dhënë rasti të njohë më mirë futbollin shqiptar. Kuzhe do të debutojë më 6 qershor në krye të Shqipërisë kundër Portugalisë

Suksesi i boksierit kosovar në turneun “Golden Gloves” vlerësohet lart nga ekspertët
“Medalja e artë në turneun ‘Golden Gloves’ ka rëndësi të madhe, sidomos në SHBA. Për promotorë e ka vlerën e një medaljeje të artë të Lojërave Olimpike. Për mua tani interesohen kompani të shumta promovuese, ndër më të njohurat në SHBA”, ka thënë boksieri Naim Tërbunja. Ai është shqiptari i vetëm që ka fituar turneun më të madh amerikan në amatorizëm “National Golden Gloves

Olympique Marseille zvogëlon gjasat për të fituar titullin kampion pas plot 17 vjetësh
Me këtë disfatë Marseille ka zbritur në pozitën e dytë me 71 pikë, kurse Bordeaux ka marrë kryesimin me 74 pikë, pasi ka fituar ndeshjen me Le Mans (3:2). “Marseille ka minimizuar gjasat për të fituar titullin e kampionit me humbjen e fundit nga Lyoni. Tash do të jetë shumë vështirë për ne kur kanë mbetur edhe dy ndeshje të pazhvilluara”, ka thënë kapiteni i Marseilles, Lorik Cana

Federata e Boksit e Kosovës i bën një tjetër respekt të ndjerit Lah Nimani
Në ceremoninë e mbajtur në Prishtinë, me medaljen në të cilën ishte gdhendur figura e trajnerit më të suksesshëm në histori të sportit të Kosovës, Lah Nimani, u nderuan boksierë, bashkëpunëtorë, shokë dhe familjarë të tij

Mesfushori kosovar i Malmos tejkalon krizën
Talenti i madh i Suedisë pas bujës që bëri në vitet e para të karrierës, shpejt përfundoi në margjina. Transferimi i tij nga Malmo në Feyenord ishte një zgjedhje e gabuar dhe kjo i kushtoi shumë. Atij iu deshën dy-tri vite për të rimarrë veten. Ai tash është lojtari kyç i skuadrës Malmo dhe kandidat për një vend në Përfaqësuesen e Suedisë

Skuadra Union Berlin tani mund të krenohet me tifozët e saj
Tifozët e skuadrës Union Berlin, që sapo ka siguruar ngritjen në Bundesliga 2, dikur njiheshin për vandalizmat dhe dëmet që ia shkaktonin klubit. Mirëpo kjo është e harruar. Ata kanë punuar vetë në ndërtimin e stadiumit të ri të skuadrës që tashmë ka përfunduar. Kontributi i tifozëve llogaritet rreth pesë milionë euro nëse llogariten orët e tyre të punës dhe kontributi i tyre me vegla e mjete materiale. Klubi dhe tifozët kanë arsye për festë

Krerët e skuderisë italiane kanë konfirmuar mospjesëmarrjen në edicionin 2010
Skuderia më e famshme e Formula 1, Ferrari, ka vendosur të martën të mos garojë me bolidtët e saj në edicionin e ardhshëm nëse Federata Ndërkombëtare e Automobilizmit (FIA) aprovon rregullat e reja për edicionin e ri, e që ndër të tjera është edhe limitimi i buxhetit në 40 milionë funte. Afati i fundit për regjistrim për edicionin 2010 është 29 maji. Në krah të Ferrarit kanë dalë edhe skuderitë e tjera të pasura si Red Bull e Toyota

Mesfushori kosovar i Elfsborgut suedez po tërheq vëmendjen e shumë skuadrave evropiane
Pos Groningenit holandez, interesim për 21-vjeçarin kanë shfaqur edhe Parma, Borussia Moenchengladbach dhe Utrecht. Elfsborgu është dorëzuar, e di se e ka vështirë ta mbajë edhe më tutje në skuadër

Ndeshja kthyese gjysmëfinale e Ligës së Kampionëve: Arsenal - Man UTD 1:3
Manchester United është finalisti i parë. Pas dy ndeshjeve kundër Arsenalit, rezultati i përgjithshëm është 4:1. Kundërshtar i Menjus në finale të Ligës së Kampionëve do të jetë Chelsea ose Barcelona, varësisht se cila skuadër do të sigurojë finalen të mërkurën mbrëma në “Stamford Bridge”

Sot (20:45), zhvillohet ndeshja kthyese e gjysmëfinales në Ligën e Kampionëve: Arsenal - Man UTD
Trajneri i Arsenalit, Arsene Wenger, është i bindur në fitoren prej dy golave diferencë ndaj Manchester Unitedit, ndërkohë ai i Manchesterit, Alex Ferguson, qëndron më fort në tokë, thotë se ndeshja mund të përcaktohet edhe nga penalltitë. Takimi i parë në “Old Trafford” ka përfunduar 1:0 në favor të Manchesterit

Spanja në ethet e derbit më të madh të vitit në Primera Division
Shteti do të paralizohet. Shitoret do të mbyllen dhe rrugët do të jenë të zbrazëta. Për 90 minuta shteti do të mendojë vetëm për futboll, ka thënë gazetarja Maria Bertones, para takimit në mes Real Madridit dhe Barcelonës që luhet të shtunën në “Santiago Bernabeu”

Një formulë e çuditshme e stërvitjes në Përfaqësuesen e Bahrejnit
Seleksionuesi çek i Bahrejnit kishte vendosur një makinë të shtrenjtë në vend të portës. Ai kishte urdhëruar lojtarët të jenë të saktë dhe të qëllojnë atë, kurse portierin të jetë i vëmendshëm dhe të mos lejojë të goditet makina

Trajneri i Man Utd rrit kujdesin mbi sulmuesin 17-vjeçar
Skocezi nuk dëshiron që Macheda të bëhet sikurse futbollistët e tjerë të “djajve të kuq”, që ndjekin lokalet e natës dhe kazinot. Për këtë Ferguson ka kërkuar nga pronarët e klubeve të natës dhe të kazinove që t’ia ndalojnë hyrjen italianit Macheda, pasi ai ende nuk është 18 vjeç

Ndeshja e parë e plejofit nuk e ka tronditur shumë skuadrën verdhezi
Humbja nga Bashkimi nuk ishte krejt me fajin e përforcimeve të fundit sa për shkak të mungesës së mentalitetit fitues, ka thënë trajneri i Pejës, Nenad Amanoviq

Në Prishtinë u mbajt spektakli i boksit “Kosova Fight Night”
Elvir Muriqi e bindi ukrainasin provokator për cilësitë e tij të niveleve të larta botërore. Kosovari jo vetëm që i dha spektakël publikut kosovar, por edhe u hakmor ndaj Garashchenkos për humbjen e pësuar katër vjet më parë. Meçi ishte me tension. Jo vetëm boksieri ukrainas, por edhe menaxheri i tij i provoi grushtet e kampit të Muriqit

Zyrtari i shkarkuar nxjerr "të palarat" e punës në FFK
Ish-kryetari i Komisionit të Garave ka akuzuar dy nënkryetarët e FFK-së, Bekim Haxhiun dhe Agim Ademin, se kanë gisht në shkarkimin e tij, meqë nuk është treguar "i dëgjueshëm" në kohën kur klubet e tyre, përkatësisht Trepça dhe Kosova e Prishtinës, janë të rrezikuara. Bellopoja nuk e ka kursyer as Fadil Vokrrin që sipas tij është duke ua paguar haraçin atyre që e ndihmuan të vijë në krye të Federatës

Skuadra e kaltër reagon, vlerëson se të tjerëve po u pengojnë sukseset e saj
Sipas Prishtinës, Peja ka ndërruar dy lojtarët e huaj (Morban e Knox) jo pse ishin të lënduar, por pse nuk kishin kualitete. Prishtina ka akuzuar Federatën se po e favorizon Pejën dhe se ka thyer rregullat kur ka lejuar Pejën që të ndërrojë dy lojtarët e huaj. Federata mohon akuzat e Prishtinës dhe thotë se rregullat janë të njëjta për të gjitha skuadrat. Ndërkohë, Peja vlerëson se Prishtinën e ka kapur paniku pak ditë pa nisur plejofi