Stamboll, kapet me drogë oficeri i Aeroportit të Rinasit

Kapet me drogë në Stamboll oficeri i aeroportit të Rinasit, Altin Murra. Mësohet se Murra është arrestuar në flagrancë duke transportuar lëndën narkotike bashkë më dy persona të tjerë.

Ndalimi është bërë pas përgjimeve telefonike nga policia turke. Vetëm një muaj më parë sekretari i dytë i Ambasadës Shqiptare në Shkup u kap me 65 kilogramë heroinë.

Është kapur në Stamboll me një sasi të konsiderueshme droge oficeri i aeroportit të Rinasit, Altin Murra. Burime nga policia bëjnë të ditur se janë kapur në Stamboll tre persona duke transportuar me maune, një sasi të konsiderueshme droge, mes të cilëve edhe oficeri i policisë së Rinasit.

Mësohet se të arrestuarit e tjerë janë Burhan Markeci nga Dibra, 39 vjec dhe Nalton Jacaj nga Tirana, i moshës 35 vjec. Ndalimi është bërë pas përgjimeve telefonike nga policia turke ndërsa nuk bëhen të ditura të dhëna të tjera për shkak të verifikimeve.

Vetëm një muaj më parë sekretar i dytë i Ambasadës Shqiptare në Shkup u kap me 65 kilogramë heroine. Agim Ajet Haxhiu u kap me sasinë e drogës që kapte shifrën e 650 mijë eurove në një makinë me targa diplomatike në Stamboll, në datën 2 maj.

Kjo nuk është hera e parë që punonjës të ambasadave shqiptare kapen me pluhurin e bardhë, duke u “fshehur” pas targave diplomatike.

Disa muaj më parë, shoferi i ambasadës shqiptare në Romë, Arsen Selmanllari u arrestua pasi iu gjet 1 kg kokainë në automjetin me targa diplomatike. Arrestimet u kryen gjatë një kontrolli policor në autostradë në dalje të Milanos. Policia gjeti në bagazhin e makinës 1 kilogram kokainë.

» Itali, arrestohet shqiptarja me 13.5 kg drogë
» Policia djeg një sasi prej 40 kg drogë